Organizatat jo qeveritare REC – Reconciliation Empowering Communities dhe D&G Solutions, ftojnë të gjithë të rinjët (15 deri në 30 vjeç), nga të gjitha komunitetet që jetojnë në rajonin e Mitrovicës, të bëhen pjesë e programit të edukimit: Promovimi i aktivizmit të të drejtave të njeriut dhe të mjedisit.

Programet e edukimit mbahen në kuadër të projektit “Të drejtat mjedisore janë të drejta të njeriut!” që financohen nga Agjencia Suedeze për Bashkëpunim dhe Zhvillim Ndërkombëtar, (SIDA) përmes Programit të saj “Human Rightivism”.

20 të rinjë do te përzgjedhën të jenë pjesë e shkollave profesionale të udhëhequr nga ekspertë të fushës në temat e të Drejtave të Njeriut dhe Aktivizmit, të Drejtat e Mjedisit, Monitorimi dhe Raportimi mbi ndotjen.

Programet e edukimit do të mbahen gjatë periudhës Prill – Qershor 2021, ku pjesëmarrësit e përzgjedhur do të njoftohen paraprakisht.

📍 Trajnimet/punëtoritë do të mbahen duke respektuar masat e paracaktuara nga manuali i Ministrisë së Shëndetësisë dhe IKSHPK, me nga 10 përsona në grup duke pas parasyshë gjendjen preventive të pandemisë Covid19.

📲 Të interesuarit mund të aplikojnë online duke plotësuar këtë formë në vegzën e bashkangjitur: https://forms.gle/7imPEKf9trzruVXW6

⏰ Afati i fundit për aplikim është: 26 mars 2021, në orën 23:59.

Inkurajohen të aplikojnë të gjithë pavarësisht nga gjinisë apo përkatësisë etnike, veçanërisht personat me aftësi të kufizuara dhe të rinjët (vajza dhe djemë) nga zonat rurale.